Trafikksikring ved Dovre barneskule

Måndag 22. juni vedtok kommunestyret tilleggsmidlar til trafikksikringsprosjektet ved Dovre barneskule. Allereie denne veka set arbeidet i gang. For deg som skal levere i barnehagen eller bur i nabolaget vil det vera mogleg å passere anleggsarbeidet. Arbeidsområdet vil bli skilta og sikra. Vi ber alle om å vera aktsame og følge retningslinene på staden. 

Arbeidsperiode

Hovuddelen av anleggsarbeidet vil skje frå 30. juni fram til skulestart. Sommaren skal brukast godt før elevane kjem att i august. 

Dette skal skje

Den eksisterande vegtraséen skal leggast om og det skal etablerast betre løysingar for både gåande og køyrande. Målet er å betre trafikksikkerheita i området. 

  • Oppheva gangfelt for tryggare kryssing av Smiuvegen for mjuke trafikantar
  • Ny snuplass for buss og taxi
  • Lengre og utbetra oppstillingsplass for buss og taxi ved levering og henting
  • Sikrare torg der elevane kjem og dreg frå skulen

Arbeidet kan føre til

  • Midlertidige endringar i køyremønsteret
  • Redusert framkomst i periodar
  • Anleggstrafikk og noko støy innanfor arbeidstid 

Arbeidsområdet vil bli skilta og sikra. Vi ber alle om å vera aktsame og følge retningslinene på staden. 

Innlandet fylkeskommune og Statens vegvesen er med på spleiselaget.

Sist endret 02.07.2026 11.09