• Frå 1. januar 2025 skal vi bruke dunkar for oppsamling av matavfall og restavfall i alle dei 6 kommunane i Nord-Gudbrandsdal.
• Alle abonnentar har fått utlevert to (2) dunkar.  1 dunk til matavfall og 1 dunk til restavfall.
• Viktig: Ordninga med grå NGR-sekkar for restavfall går ut. Frå 2025 blir det ikkje mogleg å levere (gamle) NGR sekkar med restavfall på henteruta, men du kan bruke dei gamle sekkane til å levere restavfall på miljøstasjonane ut 2026.
• Ordninga med blanke plastsekkar for hushaldsplast held fram som i dag.

• Kontakt Nord-Gudbrandsdal Renovasjonsselskap IKS på telefon: 61 24 21 00 eller e-post: post@ngr.no
• Kontakt Dovre kommune på telefon 61 24 21 00 eller e-post postmottak@dovre.kommune.no 
• For Dovre kommune sine opningstider i jula, sjå her. 

Frå 1. januar 2025 går NGR over til digital hentekalender gjennom den praktiske appen “Min renovasjon”. Om du ikkje har lasta den ned enno, finn du oppskrift på korleis å gjera det her.  Da kan du be om å få ei nyttig påminning på SMS dagen før avfallet blir henta. 

Slik lastar du ned den nye kalenderen frå NGR NGR

Om du ikkje har lasta ned appen “Min renovasjon” enno, kan du sjå henteplan for januar og februar 2025 her.  Du kan skrive han ut i pdf her. 

Du bør vera merksam på at rutene kan bli endra i løpet av året. Derfor er det best å laste ned appen “Min renovasjon” på telefonen, ettersom denne støtt vil vera oppdatert. 

NGR hentekalender januar og februar NGR

Om du eller nokon du kjenner ikkje har tilgang til skrivar, kan du hente ei gratis utskrift av hentekalenderen for januar og februar 2025 i resepsjonen på kommunehuset Båtsto eller på Dovre bibliotek på Dombås. 

Kommunehuset 

Stengd i juleveka, og opnar att 2.1.2025. 

Biblioteket

Måndag 23.12. kl. 10-15.30

Fredag 27.12. kl. 10-14

Måndag 30.12. kl. 10-14

Frå 1. januar 2025 skal vi bruke dunkar for oppsamling av matavfall og restavfall: 

• Alle abonnentar har fått 1 dunk til matavfall og 1 dunk til restavfall.
• Storleiken på dunken til restavfall vil følgje gebyrgruppa som abonnenten har valt. Abonnentar med standardgebyr vil få ein dunk på 240L, abonnentar med minstegebyr vil få ein dunk på 140L, og abonnentar med utvida gebyr får ein dunk på 360L.
• Saman med dunkane får abonnentane utdelt ein rull med posar til matsortering og ein rull med blanke plastsekkar til oppsamling av hushaldsplast

To eller fleire abonnentar kan bruke felles dunkar der det er naturleg. For restavfall vil abonnentane få same tilgjengelege volum som om ein hadde eigen dunk. Matavfall er tungt, så her vil det bli brukt dunkar på 140L også ved fellesløysingar. Ta kontakt med kommunen viss du ønskjer felles dunk. For gebyrsatsar ved deling av dunk, sjå menypunkt “Gebyr 2025” nedanfor. 

Avtale om heimekompostering - søknadsskjema

Det er no mogleg å få avtale om heimekompostering, slik at ein ikkje brukar avfallsdunk for matavfall. Dei som ynskjer ei slik avtale må fylle ut dette søknadsskjemaet (PDF, 155 kB) og sende det til postmottak@dovre.kommune.no 

Når søknaden er godkjent, hentar NGR matavfallsdunken din. 

Saman med søknadsskjemaet skal du sende inn tre bilete og kartplassering av kompostløysinga. Godkjent avtale om heimekompostering gjev kr 475,- i rabatt på årleg renovasjonsavgift. 

Denne løysinga er utarbeidd etter modell frå andre kommunar i Nord- og Midtdalen. 

Ordninga med blanke plastsekkar for hushaldsplast held fram som i dag.

Last ned brosjyra om korleis du sorterer matavfall her: ngr-brosjyre.pdf (PDF, 1011 kB)

Restavfallet er det som blir att når du har sortert ut matavfall og rein plast. Er du usikker på om noko kan bli sortert, sjekk på sortere.no om du kan kjeldesortere det du vil kaste. Det som er for stort til å kaste i restavfall heime, leverer du til miljøstasjonen.

Typiske ting du sorterer som restavfall

Støvsugarposar, bleier, bind, sugerøyr, q-tips, tyggegummi, snus, blandingsemballasje, tilgrisa emballasje

Typiske ting du ikkje sorterer som restavfall

Småelektronikk, måling, syltetøyglas, sprayboks, brukbare klede, småbatteri, matemballasje

Gruppe A, normal sats:

• 240L dunk til restavfall
• 140L dunk til matavfall    
   

Gruppe B, låg sats:

• 140L dunk til restavfall
• 140L dunk til matavfall    
   

Gruppe C, høg sats:

• 360L dunk til restavfall
• 140L dunk til matavfall

Abonnentane har fått utdelt dunkar tilsvarande det abonnementet ein står registrert med i 2024. Det vil bli høve til å byte abonnementsgruppe slik som kommunane praktiserer det i dag. NGR vil då bytte dunken for restavfall.

Her finn du oversikt over renovasjonsgebyr for 2025, inkludert satsar for delte dunkar og avslag for heimekompostering. Hugs at viss du skal heimekompostere, må du fyrst søke om dette. Skjema finn du lenger oppe her på sida. 

2025 renovasjonsgebyr.pdf (PDF, 155 kB)

NGR vil stort sett køyre henteruter langs dei vegane som blir køyrde i dag. Det vil likevel bli fokus på å effektivisere rutene, spesielt i område der det er lange køyreavstandar og få abonnentar. Det vil også bli lagt vekt på eit godt arbeidsmiljø for renovatørane.

Dunkane kan stå permanent på henteplassen eller abonnenten kan trille dei ut på hentedagen. På hentedagen skal avfall vere klart til henting kl. 07.00. Sekkar og dunkar plasserast på eit plant underlag. Handtak på dunkane skal vende mot renovatørane. Abonnentane fjernar hindringar, brøyter snø og strør glatt underlag ved behov. Renovatøren skal kunne trille dunkane fram til bilen utan hinder, betydelege høgdeforskjellar eller tersklar/trinn. Med hinder meinast t.d. grøfter, grinder og trapper. Med tersklar meinast høgdeforskjellar over 10 cm.

Henteavstand for dunkar skal vere maks 5 meter, målt frå ytterkant veg eller ytterkant fortau.

Du finn informasjon om gebyr for hytterenovasjon under overskrifta “Gebyr 2025”