Viktig melding

Ny samfunnsplan. Høyringsfrist 24. april.

Samfunnsplanen viser korleis vi vil at Dovre skal vera i framtida. No vil vi høyre di meining! 

Les utkastet til samfunnsplan her og send dine innspel på e-post til kommunen innan 24. april. 

 

Utlysing: Støtte til arrangement i Dovre i 2025

Har du ein idé til eit arrangement som vil skape aktivitet og utvikling i Dovre i 2025? Dovre kommune lyser ut 150.000 årleg, fordelt på to utlysingar. Om du og ideen din oppfyller retningslinene nedanfor, vil vi gjerne få søknaden din! 

Søknaden sender du til postmottak@dovre.kommune.no innan 10. mars 2025. 

Canva.com

 

Retningsliner for arrangementsstøtte

  1. Aktiviteten skal ha privat eller frivillig eigarskap.
  2. Aktiviteten skal som hovudregel skje i søknadsåret.
  3. Aktiviteten må skje i Dovre.
  4. Aktiviteten skal gje positive økonomiske ringverknader for næringslivet og/eller frivillig sektor i Dovre.
  5. Årvisse aktivitetar med underskot over fleire år må syne til nødvendig omstilling/utvikling for å bli prioritert.
  6. Arrangøren skal legge fram eit budsjett med minimum 50 % eigeninnsats i form av billettinntekter, salsinntekter, eigenkapital og/eller arbeidsinnsats.
  7. Aktiviteten skal vera eigd av ein registrert organisasjon (registrert i foretaksregister eller frivilligheitsregister). Som hovudregel skal forretningsadresse vera i Dovre.
  8. Kostnader til fysiske investeringar kan ikkje vera ein del av søknadsgrunnlaget.
  9. Aktiviteten bør ha eit langsiktig perspektiv med utviklingspotensial.
  10. Aktivitetar som fremmer samarbeid mellom fleire bedrifter/lag/foreiningar blir prioritert.
  11. Arrangøren skal annonsere aktiviteten i Dovre kommune sin aktivitetskalender, Friskus (dovre.friskus.com).
  12. Støtta blir utbetalt etter at aktiviteten er gjennomført og administrasjonen har motteke rapport.

Halvårlege utlysingar

Vi lyser ut midlane ut to gongar kvart år – i februar og august. Den årlege totalen er på 150 000 kr. I vårhalvåret har arrangementsstøtta søknadsfrist i løpet av fyrste halvdel av mars. I hausthalvåret i løpet av fyrste halvdel av august. Alle søknadar blir vurdert i ein, felles saksbehandlingsrunde på våren og ein runde på hausten.  Administrasjonen legg fram innstilling til behandling i Oppvekst-, kultur- og omsorgsutvalet (OKO).

Regionale tilskot

Alle som søker om kommunal støtte til arrangement, skal som hovudregel ha søkt den regionale ordninga hjå Interkommunalt politisk råd med støtte til kultur- og naturbaserte arrangement (søknadsfrist 1. februar). Søkjarar som ikkje får støtte regionalt, blir oppfordra til å søke den kommunale utlysinga. Søkjarar som får støtte frå den regionale utlysinga, blir ikkje prioriterte i den kommunale utlysinga. Unntak er arrangement som blir vurdert å ha spesielt positive ringverknader for lokalsamfunnet.

Utbetaling

Vi betaler ut midlane når aktiviteten er gjennomført og vi har fått ein rapport.

Send oss din søknad til postmottak@dovre.kommune.no innan 10. mars 2025. 

Retningsliner og tildelingskriterium vart vedteke av Oppvekst-, kultur- og omsorgsutvalet (OKO) 3. februar 2025. Retningsliner for arrangementsstøtte.pdf (PDF, 64 kB) Ordninga skal evaluerast på fyrste OKO-møte i 2026.