Etterlysing: Ski, stavar og skisko Dovre barneskole får fleire nye elevar som ikkje har gått mykje på ski og som manglar skiutstyr - og det rett før vinteraktivitetsdagane våre! Vi er heilt sikre på at det står mange ski, stavar og skisko i bodar, kjellarar og garasjar rundt omkring i Dovre, og håper alle kan gripe moglegheiten til å sjekke heime hjå seg sjølv. Vi har mangel på utstyr frå 1. klasse til 7. klasse, og set stor pris på om nokon har noko å donere til oss. Vi tek godt vare på utstyret, og brukar det som ekstra utstyr kvar vinter. Utstyret må vera i god i stand og ikkje vera heilt utbrukt. Utstyr kan leverast i opningstida til skolen, eller kontakt oss på 612 42 270 / dovre.barneskole@dovre.kommune.no